عاشقة الليل عضو فضي
عدد المساهمات : 1585 تاريخ التسجيل : 15/11/2009
| موضوع: ....أرجـع يالرحت بعيد عن بغـداد ...... السبت سبتمبر 18, 2010 9:45 pm | |
|
أرجـع يالرحت بعيد عن بغـداد وسكنت هناك دولة ما هي دولتنه
حقك من رحت جان الوضع مو زين تفجيـر وقتـل وأرهـاب موتنه
بس هسه الوضع مو نفسة ذاك الجان عراقييـن كلنا وهـاي طيبتنـه
بعد ماكو جوادر مأتم وأحـزان كبل جانت كبل بسنين شدتنـه
عبرناها الشـدايـد والحمد لله وهالدمع اليصب هذا دمع فرحتنه
كافي من الغرب مو صار خمس سنين مل حتى الغـرب مو كثر غربتنـه
أرجع للأهل للصحبة والأحباب نلتم مـن جـديد يا محلة لمتنـه
أرجع للنجف لدهوك والأنبـار لتكريت وسماوه أرجع لبصرتنه
يــا دجلة الخير يا أم البساتين أرجع وأرتوي من ماي دجلتنه
أضربلك مثل صغير عن بغداد حاول تفتهم وتشوف حيرتنه
بغداد الحضن والشرف والديرة والأم والحبيبـة وهي هيبتنه
عايف هالحضن وساكن بغير احضان وعفت هذا الشرف وهجرت ديرتنه
أرجع والنصر والله يعود وياك وبيدك هاي بيدك شيل رايتـنه
أدري أنت وفي وأدريك ما مرتاح وتصيح الله واكبر لغربة ذلتنـه
وأدري أنت أصيل ومعدنك يا نوع وأدري انت الشهم والغيرة فزعتنه
أفرض بالغرب لاكاك ملك الموت وبتراب نزلت ما هي تربتنـه
درجع والجواز هناك شمرة بعيد ومزكها الأقامة وهاي فرحتنه
أرجع والفرح ينتظرك ابغداد
أرجع و الوطن محتاج وكفتنه
أرجع و الوطن محتاج وكفتنه..
........ ارجو ان ينال اعجابكم تقبلو تحياتي ........
| |
|
وتر الإحساس مدير المنتدى
عدد المساهمات : 413 تاريخ التسجيل : 07/04/2010
| موضوع: رد: ....أرجـع يالرحت بعيد عن بغـداد ...... السبت سبتمبر 18, 2010 10:47 pm | |
| عاشت تلك الانامل الي شقت لنا لحن من خيوط الواقع المرر
عاشت ايدج وردة
تحياتي | |
|
عاشقة الليل عضو فضي
عدد المساهمات : 1585 تاريخ التسجيل : 15/11/2009
| موضوع: رد: ....أرجـع يالرحت بعيد عن بغـداد ...... الأحد سبتمبر 19, 2010 8:07 am | |
| شكرا لمرورك اخوية نورت الموضوع بردك
| |
|